等我為大家梳理一下事件。
大家當然可以質疑條片唔值錢，或者質疑政府利益輸送。
但係由昨日大J出Post開始，其實全行都喺度屌緊佢嗰套業餘Breakdown。
大J嗰套「三萬蚊budget拍一日」嘅所謂折解，根本係行外人貶低行內人專業價值。
就好似一個人去餐廳食飯，佢絕對有權覺得唔好食，佢亦可以批評碟飯有幾差。
但係你唔可以用自己屋企淥公仔麵嘅成本嚟比較，繼而上綱上線，質疑成個飲食業收貴咗。
而大J本人亦已經承認咗，佢嘅Breakdown係業餘，佢嘅數據並唔準確。
之後佢可以繼續批評政府影片，相信製作業界人士亦唔會關心。
所以呢件事已經告一段落。
在此祝願各位順利過渡，我哋各行各業一齊面對呢個寒冬。
Search